ایس ایس پی حیدر آباد سرفراز نواز شیخ کی  ٹریفک پولیس اہلکاروں کے ساتھ افطار

30

حیدر آباد (اسٹاف رپورٹر) ایس ایس پی حیدرآباد سرفراز نواز شیخ نے تلک چاڑی، امریکن سینٹر چوک پر یہاں سے گزرنے والے افراد میں افطار کے پیکٹ تقسیم کیے۔ اس موقع پر ایس پی ہیڈ کوارٹر، سٹی، مارکیٹ کے ڈی ایس پیزسمیت دیگر افسران واہلکار بھی موجود تھے۔ بعد ازاں انہوں نے ٹریفک پولیس اہلکاروں اور بازاروں میں ڈیوٹی دینے والے کمانڈوز کے ساتھ افطار کیا، پولیس کی جانب سے ایک مثبت اقدام پر شہریوں نے مسرت کا اظہار کیا۔ انہوں نے کہا کہ پولیس عوام کی محافظ اور عوام کے لیے پولیس اہلکار فخر کی علامت ہیں پولیس اور عوام کے درمیان تعلقات خوف کے نہیں بھائی چارے کے پیدا کیے جائیں، اس کے لیے یہ ایک اچھا اقدام ہے