مطالبات نہ مانے تو حکومت کوپتہ چل جائے گا اپوزیشن ہوتی کیسے ہے،بلاول

192

پیپلزپارٹی کے چیئرمین بلاول بھٹو زرداری نے کہا ہے کہ حکومت ہمارا کوئی مطالبہ ماننے کو تیار نظر نہیں آتی ،27 دسمبر کے بعد وزیراعظم کو پتہ چلے گا کہ اپوزیشن کیسے ہوتی ہے۔

کراچی میں پیپلزپارٹی کی مرکزی قیادت کے ہمراہ پریس کانفرنس کرتے ہوئے انہوں نے کہا کہ وزیراعظم نے اسمبلی کے فلور پر کھڑے ہوکر کہا کہ وہ  خود کو احتساب کے لیے پیش کرتے ہیں اور چاہتے ہیں احتساب کا عمل ان کی ذات سے شروع ہو لیکن پاناما لیکس کو کافی وقت گزرنے کے باوجود وزیراعظم نے خود کو پارلیمنٹ کے سامنے پیش نہیں کیا اگر نوازشریف جواب دینے کے لیے راضی نہیں تو وہ جمہوری وزیراعظم نہیں ہیں۔

بلاول بھٹو نے کہا کہ ہم نے اپنے مطالبات کو پورا کرانے کے لیے حکومت کو کافی وقت دیا لیکن ن لیگ ہمارے چار میں سے کوئی ایک بھی مطالبہ پورا کرتی نظر نہیں آرہی ہم مطالبات کو پورا کرانے کے لیے حکومت سے درخواست نہیں کریں گے ہم وزیراعظم سے ضرور جواب لیں گے۔

Print Friendly, PDF & Email
حصہ