پاکستان اوورسیز فورم گلف سعودی عرب کے زیر اہتمام سعودی یوم الوطنی کے موقع پر کوآرڈینیٹر برائے پبلک ریلیشنز چودھری محمد امجد گجر کی صدارت میں شاندار تقریب کا اہتمام کیا گیا۔ اس موقع پرسابق صدر پی ٹی آئی (ریاض) شبریز اخترسویہ نے خصوصی شرکت کی۔ مقررین نے اپنے خیالات کا اظہار کرتے
ہوئے سعودی بھائیوں کو دلی مبارکباد پیش کی اور دعا کی کہ اللہ تعالیٰ پاک سعودی دوستی کو ہمیشہ قائم رکھے۔ اس موقع پر خادم حرمین شریفین شاہ سلمان بن عبدالعزیز اور ولی عہد شہزادہ محمد بن سلمان کے اقدامات کو خراج تحسین پیش کیا گیا۔ تقریب میں نمایاں شرکت کرنے والوں میں چودھری فیروز تارڑ، چودھری حسنین گوندل، صدر پی ٹی آئی (جدہ باڈی) خواجہ حماد صدیق، چودھری محمد عارف چدھڑ، چودھری عرفان گوندل، جمشید جیمی، طارق ندیم، بابر باجوہ، ثاقب علی منہاس،گلزار منظور مانگٹ، شعیب گوندل ودیگر شامل تھے۔