لاہور: ینگ ڈاکٹروں اور پیرامیڈیکس کا ایم ٹی آئی ایکٹ کے خلاف احتجاج

جنرل ہسپتال لاہور کے ینگ ڈاکٹروں سمیت پیرا میڈیکل سٹاف نے ایم ٹی آئی ایکٹ کے خلاف گزشتہ روز شدید احتجاج کرتے ہوئے ریلی نکالی ریلی کے شرکاء نے ہاتھوں میں بینرز اور پلے کارڈ اٹھا رکھے تھے۔ جن پر ایم ٹی آئی ایکٹ کے خلاف نعرے درج تھے۔ ریلی کے شرکاء نے احتجاج کرتے ہوئے فیروز پور روڈ ہر قسم کی ٹریفک کے لئے بند کردی اور مطالبہ کیا ہے کہ ہسپتال ڈاکٹروں اور پیرامیڈیکس پر لاگو کئے جانے والے ایم ٹی آئی ایکٹ کو فوری واپس لیا جائے۔