آئی فون کی جدید اپ-ڈیٹ سے صارفین انتہائی پریشان

آئی فون کے صارفین جنہوں نے ایپل کا جدید ترین سافٹ ویئر اپ ڈیٹ iOS 14.6 انسٹال کیا ہے، اُن کو شکایت ہے کہ یہ اپ-ڈیٹ اُن کے فون کی چارجنگ جلدی ختم کررہی ہے۔

نیویارک پوسٹ کے مطابق ایپل آئی فون کے صارفین کا کہنا ہے کہ محض چند گھنٹوں میں فون کی پوری چارجنگ ختم ہوجاتی ہے۔

آئی فون کے پرانے ماڈلز کو استعمال کرنے والے صارفین نے 24 مئی کو لانچ کیے گئے اس اپ ڈیٹ کیخلاف ایپل کے کمیونٹی فورم اور ٹویئٹر اکاؤنٹ پر شکایتوں کی بھرمار کردی ہے۔

ایک صارف نے لکھا کہ iOS 14.6 پر میری بیٹری بہت جلدی ختم ہورہی ہے… کیا یہ صرف میرے ساتھ ہورہا ہے یا اور بھی لوگ اس کا تجربہ کررہے ہیں۔

ایک اور ٹوئیٹ میں لکھا تھا کہ “iOS 14.5 نے میری بیٹری کی حالت خراب کردی ہے۔

صارفین نے بیٹری پر اس اپ ڈیٹ کے تباہ کن اثرات کے بارے میں فکرمند ہیں۔

ایک شخص نے بتایا ، “صورتحال اتنی خراب ہے کہ میں آئی فون 7 پر 2 گھنٹے سے زیادہ کام نہیں کرسکتا۔”