صحافی اور پاکستانی کمیونٹی کے سرگرم رکن ملک عاصم اعوان نے پاک سعودی فرینڈ شپ فورم کے چیئرمین چودھری خالد رشید اور جنرل سیکرٹری صاحبزادہ عرفان رشید سے ان کی رہائش گاہ پرملاقات کی اور پاکستان اور سعودی عرب میں پاکستانی کمیونٹی کے حوالے سے تبادلہ خیال کیا۔ چیئرمین چودھری خالد رشید نے علامہ اقبال کے شہر سیالکوٹ میں ائرپورٹ بنانے اور سیال ائرلائن چلنے پر سیالکوٹ کی تاجر برادری اور سیالکوٹ انٹرنیشنل ائرپورٹ کے چیئرمین فضل جلانی کو مبارک باد پیش کی۔ انہوں نے حکومت پاکستان کی جانب سے چھوٹی بڑی صنعتوں کو ریلیف دینے کی تعریف کی اورکہا کہ بہت جلد اس پالیسی کے نتیجے میں ایک بڑا صنعتی انقلاب آئے گا۔ پاک سعودی فرینڈشب فورم کے چیئرمین چودھری خالد رشید نے کہا کہ اوورسیز پاکستانی ملک کا قیمتی اثاثہ ہیں۔ آخر میں انہوں نے سینئر صحافی ملک عاصم اعوان کا شکریہ ادا کیا۔