مکہ مکرمہ میں محافظہ جدہ کے سابق نائب رئیس انجینئر محمد مظفر بخش کی صاحبزادی ندیٰ بخش کی شادی کی سعودی جیولوجیکل سروے میں چیف مائیکرواسکوپی علیم احمد صدیقی کے صاحبزادے انجینئر عامر صدیقی کے ساتھ انجام پائی۔ اس موقع پر مقامی ہوٹل میں ایک پُر تکلف عشایئے کا اہتمام کیا گیا، جس میں عمائدین شہراورعزیزو اقارب نے شرکت کی۔ کورونا سے متعلق ضوابط کے پیش نظر مہمانوں کی تعداد محدود رکھی گئی تھی۔ واضح رہے کہ ندیٰ بخش جدہ کے ماہر امراض چشم اور کئی دینی کتب کے مصنف ڈاکٹر محمد ظفیر احمد بخش کی پوتی ہیں جبکہ عامر صدیقی سعودی ریڈیو جدہ میں کے اناؤنسر، نیوز کاسٹر اورفارن سروسز کے ڈائریکٹر نثار رفیع مرحوم کے نواسے ہیں۔
