سعودی عرب میں پاکستانی قیدیوں سے متعلق سفیر پاکستان کی اہم ملاقات

سفیر پاکستان راجا علی اعجازنے گزشتہ دنوں سعودی عرب کے وزیر داخلہ شہزادہ عبدالعزیز بن سعود بن نایف بن عبد العزیز سے جدہ میں ان کے دفتر میں ملاقات کی۔ اس دوران دونوں ممالک کے مابین معاملات سے متعلق امور پر تبادلہ خیال ہوا۔ سفیر پاکستان نے پاکستانی قیدیوں کا معاملہ بھی اٹھایا جنہوں نے اپنی سزا مکمل کرلی ہے مگر وہ واجبات ادا کرنے کے قابل نہیں۔ سفیر نے سعودی بیت المال کے ذریعے ان کی ادائیگی پر غور کرنے کی درخواست کی، جس پر سعودی وزیر داخلہ نے ایسے قیدیوں کے معاملات پر غور کرنے کی یقین دہانی کرائی۔