گر احساس زیاں ہوتا اردو کا نفاذ ہوتا
تقدیر سنور جاتی اردو کا نفاذ ہوتا
ہر مکتب و ممبر پر ہر مسند و دفتر میں
انگریزی نہ راج کرتی اردو کا نفاذ ہوتا
محکومی و مجبوری کے احساس بدل جاتے
گر سارے اداروں میں اردو کا نفاذ ہوتا
x……………………………………………………..x……………………………………………………x
بیرونی ممالک میں گونگے نہ نظر آتے
حکمراں گر اپنی زبان کو اپناتے
حمیت و قومیت کا ڈٹ کر دفاع کرتے
انگریزی کو کاش ہم قلزم میں ڈبو آتے
اے کاش کہ اپناتے نصاب تعلیم یکساں
پھر ہر ادارے میں اردو ہی پڑھاتے
ہم کو بھی فخر ہوتا کہ اہل زباں ہیں ہم
قائد کے فرماں کو عملی جامہ اگر پہناتے
