کیوبا میں سکیورٹی فورسز نے اپوزیشن کے وسیع تر احتجاج کی منصوبہ بندی ناکام بنا دی ہے اور حکومت کے کئی سرکردہ ناقدین کو گرفتار کر لیا گیا ہے۔ میڈیارپورٹس کے مطابق ہوانا میں اپوزیشن کے مظاہروں کو روکنے کے لیے بھاری تعداد میں پولیس تعینات کر دی گئی ہے۔ ملکی اپوزیشن گروپ آرچی پیلاگو نے پابندیوں کے باوجود ہوانا اور چھ دیگر صوبوں میں مظاہروں کی کال دے رکھی تھی۔ اپوزیشن حکومت سے سیاسی قیدیوں کی رہائی، انسانی حقوق کے احترام اور جمہوری اصلاحات کے مطالبے کر رہی ہے۔ ملکی وزیر خارجہ برونو روڈریگز نے الزام لگایا ہے کہ ان مظاہرین کی پشت پناہی امریکا کر رہا ہے۔
