کیتھولک چرچ کے 3000 پادری بچوں کے ساتھ جنسی زیادتی میں ملوث

October 4, 2021, 1:48 PM

429

فرانسیسی کیتھولک چرچ سے متعلق تحقیقات کرنے والے ایک آزاد کمیشن نے کہا کہ 1950 سے لے کر اب تک بچوں کے ساتھ جنسی زیادتی میں ملوث ہزاروں پادری کیتھولک چرچ کے عہدوں پر رہ چکے ہیں۔

بچوں کو جنسی ہوس کا نشانہ بنانے والے جنہیں pedophiles کہا جاتا ہے، کے اسکینڈل کا تحقیقاتی کمیشن کے سربراہ جین مارک ساو نے اتوار کو شائع ہونے والے اپنے ایک انٹرویو میں کہا کہ فرانسیسی کیتھولک چرچ میں 70 سالوں میں تقریبا 3،000 پیڈوفائلز پادری کام کرچکے ہیں۔

**فرانسیسی تحقیقاتی کمیشن کے سربراہ Jean-Marc Sauve**

فرانسیسی کمیشن منگل کو اپنے نتائج سرکاری طور پر شائع کرنے والا ہے ، جو دیڑھ سے 2 سالوں پر محیط تحقیقات کو منظرِ عام پر لائے گا اور 1950 کی دہائی سے زیادتی کے واقعات کی نشاندہی کرے گا۔

جین مارک ساو نے یہ بھی کہا کہ 115،000 میں سے یہ 3000 وہ ہیں جو کہ ثبوتوں اور شواہد کی بنیاد پر یقینی طور پر ایسے کیسز میں ملوث رہ چکے ہیں.