چلی: حکومت مخالف پُرتشدد مظاہروں میں 2 چرچ نذرِآتش

سنتیاگو (انٹرنیشنل ڈیسک) لاطینی امریکا کے ملک چلی میں مہنگائی اور معاشی بحران پر حکومت مخالف احتجاج کو ایک سال مکمل ہونے پر بڑا مظاہرہ کیا گیا۔ اس موقع پر دارالحکومت ایک بار پھر میدان جنگ بن گیا اورمظاہرین نے پولیس پر پتھراؤ کیا۔ جواب میں سیکورٹی اہل کاروں نے ان پر واٹر کینن کا استعمال کیااور کئی شہریوں کو گرفتار کرلیا۔ ذرائع ابلاغ کے مطابق مظاہرین نے دارالحکومت سنتیاگو میں2 گرجاگھروں کو بھی نذرِ آتش کر دیا۔