لاہور:استحکام پاکستان پارٹی (آئی پی پی) کے صدر عبدالعلیم خان نے عام انتخابات میں پاکستان مسلم لیگ نواز (پی ایم ایل این) کے ساتھ سیٹ ایڈجسٹمنٹ کی خبروں کو مسترد کردیا۔
لاہور میں اپنے خیالات کا اظہار کرتے ہوئے علیم خان نے کہا کہ ہم نے مسلم لیگ ن کے ساتھ سیٹ ایڈجسٹمنٹ کا معاملہ سی ای سی میں نہیں لیا، پارٹی کے سی ای سی سے اجازت ملنے کے بعد فیصلہ کریں گے۔
علیم خان نے کہا کہ اگر کوئی ہم سے بات کرنے کو تیار ہے تو وہ بھی بات کرنے کے لیے تیار ہیں، سیاست میں اتحاد بنانے میں کوئی حرج نہیں تاہم سیاسی اختلافات کو ذاتیات میں تبدیل کرنے سے گریز کرنا چاہیے۔ “
مسلم لیگ (ن) کے قائد نواز شریف کی پاکستان مسلم لیگ قائد (پی ایم ایل ق) کے سربراہ چوہدری شجاعت حسین سے ملاقات پر ردعمل ظاہر کرتے ہوئے آئی پی پی کے صدر نے کہا کہ یہ دیکھ کر اچھا لگا کہ نواز شریف نے چوہدری شجاعت حسین سے ملاقات کی۔
انہوں نے واضح کیا کہ شہباز شریف نے آئی پی پی کے سرپرست اعلیٰ جہانگیر خان ترین سے ملاقات کی جس میں ان کے بارے میں دریافت کیا۔
علیم خان نے کہا کہ ‘اب جہانگیر خان ترین شہباز شریف سے ملاقات کے لیے پہنچ گئے ہیں، اس طرح کی ملاقاتیں جذبہ خیر سگالی کو قبول کرتی ہیں اور یہ کسی مخصوص ایجنڈے پر بات نہیں کرتی’۔
