سیسی ایمپلائز ویلفیئر ایسوسی ایشن کے چیئرمین نوشاد اختر نے کہا کہ سندھ ایمپلائز سوشل سیکورٹی میں مزدوروں کی حقیقی نمائندگی نہیں ہے سعید غنی کے کوآرڈینیٹر محمد خان ابڑو سمیت کئی ممبران غیرقانونی طور سیسی میں مزدوروں کے نمائندے کے طور پر مسلسل نامزد ہورہے ہیں۔ گزشتہ چند سالوں میں سیسی میں کرپشن اپنی انتہا پر پہنچ چکی ہے۔ سیسی میں اس وقت میڈیکل سمیت دیگر پروجیکٹ میں اربوں روپے کی کرپشن ہورہی ہے۔ نیب سمیت دیگر اداروں کو اس پر ایکشن لینا چاہیے۔ دوسری جانب سندھ ہائی کورٹ کے احکامات کی خلاف ورزی کرتے ہوئے ادارے میں غیرقانونی بھرتیاں کی جارہی ہیں۔
