روسی خطے سائبیریا میں واقع کوئلے کی کان میں آگ لگنے کے واقعے میں اموات کی تعداد 11 ہو گئی ہے۔
آگ لگنے کے وقت کوئلے کی کان میں 285 افراد موجود تھے۔ روسی حکام کے مطابق کوئلے کی کان سے 236 افراد کو ریسکیو کر لیا گیا ہے ،کان میں اب بھی 49 افراد پھنسے ہوئے ہیں جن سے کوئی رابطہ نہیں ہو رہا ہے۔ کان میں دھماکے کے خدشے کے پیشِ نظر اندر پھنسے ہوئے افراد کو ریسکیو کرنے کا آپریشن روک دیا گیا ہے۔
کریملن کے ترجمان کا کہنا ہے کہ روسی صدر ولادیمیر پیوٹن نے سائبیریا کی کوئلے کی کان میں ہلاک ہونے والوں کے اہلِ خانہ سے اظہارِ تعزیت کیا ہے۔
