پاکستان ہائیڈرو الیکٹرک ورکرز یونین ایکشن کمیٹی کے دفتر میں کیسکو لیبر یونین بلوچستان کے قائدین اور کارکنوں کے اعزاز میں ایک پرُوقار تقریب کا اہتمام کیا گیا جس میں دونوں یونینوں کے قیادت کے علاوہ عہدیداروں اور کارکنوں نے شرکت کی۔ اس موقع پر ہائیڈرو ورکرز یونین ایکشن کمیٹی کے رہنمائوں غلام فرید لونی، حافظ عصمت اللہ اور محمد خان نے خطاب کرتے ہوئے ہائیڈرو ورکرز یونین ایکشن کمیٹی کو کیسکو لیبر یونین بلوچستان میں ضم کرنے کا اعلان کردیا اور کہا کہ ہم کیسکو لیبر یونین کا حصہ ہیں۔ یونین کی فعالیت اور ریفرنڈم میں کامیابی کے لیے دن رات محنت کریں گے۔ کیسکو لیبر یونین بلوچستان کے صدر پیر محمد کاکڑ، سرپرست اعلیٰ آغا سلطان شاہ نے کہا کہ مزدور متحد ہو کر محنت کشوں کی فلاح اورکمپنی کی ترقی و خوشحالی، اپنے حقوق کے تحفظ اور جائز مطالبات کی منظوری کیلئے منظم تحریک چلائیں گے۔
