کسی فوجی آمر کو پہلی بار سزا سنائی گئی ہے،اپوزیشن

ویب ڈیسک -
459

سابق آرمی چیف پرویز مشرف کو سنگین غداری کیس میں  خصوصی عدالت کی جانب سے  سزائے موت کے فیصلے کے ردےعمل پر اپوزیشن جماعتوں کاکہنا ہےکہ  کسی فوجی آمر کو پہلی بار پاکستان کی عدالت نے سزا سنائی ہے۔

پیپلز پارٹی کے چئیرمین بلاول بھٹو زارداری نے سماجی رابطہ ویب سائٹ ٹیوٹر پر  اپنا پیغام جاری کرتے ہوئے کہا ہے کہ جمہوریت بہترین انتقام لیتی ہے۔

پیپلز پارٹی کے رہنما سعید غنی نے اس موقے پرکہنا ہےکہ  کسی فوجی آمر کو پہلی بار پاکستان کی عدالت نے سزا سنائی ہے۔

مسلم لیگ ن کے مرکزی  رہنما احسن اقبال  کا کہنا ہے کہ آئین کو توڑنے اور اسے نقصان پہنچانے کی  روایت کا خاتمہ ہو گیا ہے۔

واضح  رہے کہ خصوصی عدالت نے سابق صدر اور آرمی چیف جنرل (ر) پرویز مشرف کو آرٹیکل 6 کے تحت ملک سے غداری کے جرم میں سزائے موت سنائی ہے۔

مزید خبریں