ایل این جی کے 6 کارگو جہاز درآمد کرنے کا منصوبہ

41

دلچسپی لینے والی کمپنیوں سے پاکستان ایل این جی لمیٹڈ نے بولیاں طلب کر لیں

کراچی  گرمیوں میں بجلی کی قلت کو پورا کرنے کی خاطر پاکستان ایل این جی لمیٹڈ نے 6 ایل این جی کارگو جہاز

درآمد کرنے کا منصوبہ بنا لیا ہے۔رواں مئی اور جون کے دوران 6 ایل این جی کارگو جہاز درآمد کیے جائیں گے ایل این جی درآمدات میں دلچسپی لینے والی کمپنیوں سے پاکستان ایل این جی لمیٹڈ نے بولیاں بھی طلب کر لی ہیں، کمپنیاں اپنی بولیاں 11 مارچ تک جمع کرا سکتی ہیں۔پاکستان ایل این جی لمیٹڈ کے مطابق ایل این جی سے لدے چار جہاز مئی میں جبکہ دو جہاز جون میں درآمد کیے جائیں گے۔ ذرائع کے مطابق گرمیوں میں بجلی کی قلت کو پورا کرنے کے خاطر زیادہ ایل این جی درآمد کی جارہی ہے، ایک محتاط اندازے کے مطابق چھ کارگو جہاز سے لگ بھگ 4 ہزار میگا واٹ بجلی پیدا ہوسکے گی۔

mm
قاضی جاوید سینئر کامرس رپورٹر اور کامرس تجزیہ، تفتیشی، اور تجارتی و صنعتی،معاشی تبصرہ نگار کی حیثیت سے کام کرنے کا وسیع تجربہ رکھتے ہیں ۔ جسارت کے علاوہ نوائے وقت میں ایوان وقت ،اور ایوان کامرس بھی کرتے رہے ہیں ۔ تکبیر،چینل5اور جرءات کراچی میں بھی کامرس رپورٹر اور ریڈیو پاکستان کراچی سے بھی تجارتی،صنعتی اور معاشی تجزیہ کر تے ہیں qazijavaid61@gmail.com