اگرچہ کورونا وبا لوگوں کو شادی کرنے سے روک نہیں پائی لیکن شادی کی تقریبات کو کو بدمزہ بنانے میں کردار ضرور ادا کیا ہے۔ ایسا ہی ایک واقعہ بھارت میں پیش آیا جس میں دولہا دولہن نئے اور دلکش ملبوسات پہننے کے بجائے طبی عملے کا یونیفارم پہننے پر مجبور تھے۔
نینیتال کے منرسا گاؤں میں دولہا اور دلہن نے کوروناوائرس سے حفاظتی سوٹ پہن کر شادی رچائی۔
ایسا کیوں ہوا؟ دراصل شادی سے دو دن پہلے بیوی نے اپنا کورونا ٹیسٹ کروایا تھا جس کی رپورٹ مثبت آئی تھی۔ جس کی وجہ سے سیما نامی دلہن کی شادی ردرپور سے تعلق رکھنے والے ہریش کے ساتھ تمام کورونا گائیڈ لائن کے ساتھ ہوئی۔
اس انوکھی شادی میں دولہا دلہن کے علاوہ باراتی اور گھراتی بھی حفاظتی سوٹ پہنے ہوئے تھے۔
ٹیسٹ پازیٹو آنے کے بعد دلہن کے گھروالوں نے کافی سوچ بچار اور مشورہ کرنے کے بعد طے تاریخ پر ہی پی پی ای کٹ میں شادی کرنے کا فیصلہ کیا۔
اس شادی میں دولہا دلہن کے ولدین سمیت آٹھ لوگ شریک تھے۔
شادی سے پہلے یہ بھی فیصلہ ہوا ہے کہ رخصتی کے بعد سسرال میں دلہن کو ہوم آئیسولیشن میں رہنا ہوگا۔
