کراچی: سوئی سدرن گیس کمپنی نے سندھ بھر کے سی این جی اسٹیشنز کو 3 دن گیس کی فراہمی بند رکھنے کا اعلان کردیا۔
سوئی سدرن گیس کمپنی کے مطابق سندھ کے تمام سی این جی اسٹیشنز بشمول آر ایل این جی پمپز کو جمعہ 3 فروری صبح 8 بجے سے پیر 6 فروری صبح 8 بجے تک 72 گھنٹوں کے لیے گیس کی فراہمی بند رہے گی۔
سوئی سدرن کمپنی نے کہا ہے کہ گھریلو صارفین کی ضروریات پوری کرنے کے لیے یہ فیصلہ کیا گیا ہے، لوڈ مینجمنٹ کے تحت گھریلو صارفین کی ضرورت پوری کرنے کے لیے سی این جی سیکٹر کو گیس کی فراہمی بند کی جائے گی۔
ایس ایس جی سی کے مطابق تمام جنرل انڈسٹریز اور کیپٹو پاور کو اتوار 5 فروری صبح 8 بجے سے اگلے 24 گھنٹے کیلئے گیس کی ترسیل بند رہے گی۔
