عمران خان پر نالائق ترین وزیراعظم کا بدنما داغ ہمیشہ کیلئے سج گیا ہے، نیئر بخاری

125

اسلام آباد :سیکرٹری جنرل پاکستان پیپلز پارٹی سید نیر بخاری نے کہا ہے کہ عمران خان پر نالائق ترین وزیراعظم کا بدنما داغ ہمیشہ کیلئے سج گیا ہے۔

اپنے جاری کردہ بیان میں نیر بخاری نے کہا کہ عمران خان درجہ اول کا خطرناک زہنی مریض بن گیا ہے فوری طور پر سرکاری تحویل میں لیا جائے۔

انہوں نے کہا کہ قومی سلامتی اداروں کے دفاتر میں روزانہ ملاقاتیں کرنے والا وزیراعظم زبان درازی ہر اتر آیا ہے ، عمران خان بتائے ون پیج اقتدار کا ڈھول پیٹنا سچ تھا یا نکلالے جانے کے بعد بیانیہ جھوٹ ہے۔

نیر بخاری نے کہا کہ اداروں کیلئے آئین میں کردار واضح ہے، عمران خان نے ماورائے آئین اقدامات کی کوششیں کیں۔انہوں نے کہا کہ اسٹیبلشمنٹ نے ملک کو خلفشار انتشار سے بچانے کیلئے عمرانی حکومت سے نجات کیلئے آئینی تبدیلی پر سمجھ داری کا مظاہرہ کیا۔

سیکرٹری جنرل پیپلز پارٹی کا کہنا تھا کہ عمران خان پر نااہل اور نالائق ترین وزیراعظم کا بدنما داغ ہمیشہ کیلئے سج گیا ہے، ان کو اقتدار و اختیار کے نشے میں ملکی معاشی و اقتصادی تباہی کا حساب دینا ہوگا۔

انہوں نے کہا کہ عمران خان یقین رکھیں ملکی خزانے پر ہاتھ صاف کرنے والوں سے انصاف کے ساتھ حساب لیا جائے گا ، عوام الناس کی جیبوں پر ڈاکے ڈالنے والوں کا سرپرست وزیراعظم اصل احتساب شروع ہونے سے قبل ہی گھبرا گیا ہے۔