کابل (صباح نیوز) افغانستان کے نائب وزیر اطلاعات ذبیح اللہ مجاہد نے کہا ہے کہ اقوام متحدہ کیلیے کام کرنے والے 2 غیر ملکی صحافیوں کو رہا کردیا ہے۔ کابل سے جاری بیان میں ذبیح اللہ مجاہد نے کہا کہ صحافیوں کے ساتھ کام کرنے والے دیگر افغان شہری بھی رہا کردیے ہیں، غیر ملکی صحافیوں کو شناختی کارڈ اور اجازت نامے نہ ہونے پر گرفتار کیا گیا تھا۔ دوسری جانب اقوام متحدہ کے ادارے یو این ایچ سی آر نے بھی صحافیوں کی رہائی کی تصدیق کی ہے۔ یو این ایچ سی آر کا کہنا ہے کہ صحافیوں، دیگر افغان شہریوں کی رہائی پر اطمینان ہوا ہے، افغان عوام کی مدد کیلیے پرعزم ہیں۔
