کراچی (سید وزیر علی قادری) قومی کرکٹ ٹیم کے سابق کپتان شاہد آفریدی کا کہنا ہے کہ 2005 میں بھارت کے خلاف دنیا کی دوسری تیز ترین سنچری کیریئر کی یادگار اننگز ہے جو مجھے خود بھی بہت پسند ہے۔
آئی سی سی نے سماجی رابطے کی ویب سائٹ پر شاہد آفریدی کی بھارت کے خلاف تاریخی اننگز کے حوالے سے ایک ٹویٹ کرتے ہوئے کہا کہ 2005 میں آج ہی کے دن شاہد آفریدی نے45 گیندوں پر دنیا کی دوسری تیز ترین سنچری اسکور کی تھی، ان کی اس جارحانہ اننگز میں 9 چھکے اور10 چوکے شامل تھے۔
💯
This day in 2005, @SAfridiOfficial recorded the second-fastest ODI century by a Pakistan batsman, reaching the mark off just 45 balls.
His blazing knock was studded with 9⃣ sixes and 🔟 fours! pic.twitter.com/Kid18Y2dzU
— ICC (@ICC) April 15, 2021
آئی سی سی کی اس ٹویٹ کے جواب میں سابق کپتان شاہد آفریدی نے کہا کہ آج کے دن کو میں تہہ دل سے یاد کیے ہوئے ہوں، یہ میرے کیریئر کی یادگار اننگز ہے جو مجھے خود بھی بہت پسند ہے۔
Fondly remember this day, one of my most favourite innings. Still regret trying to block that ball after reaching 100 😐 https://t.co/ikvWXcD5BY
— Shahid Afridi (@SAfridiOfficial) April 15, 2021
انہوں نے کہا کہ بھارتی آف اسپنر ہربھجن سنگھ کی گیند روکنے کی کوشش میں آئوٹ ہونے کا آج تک افسوس ہے۔
واضح رہے شاہد آفریدی نے 2005 میں بھارت کے خلاف 46 گیندوں پر 102 رنز بنائے تھے۔ پاکستان نے 249 رنز کا ہدف 7.5 اوورز پہلے 5 وکٹوں کے نقصان پر پورا کرلیا تھا۔
