کوئٹہ: پاکستان کوسٹ گارڈز نے متعلقہ اداروں کے ساتھ ساحلی علاقوں میں کارروائیوں کے دوران منشیات کے 4 اسمگلرز کو گرفتار کر کے بھاری مقدار میں منشیات برآمد کر لی۔
ترجمان کے مطابق منشیات کے خلاف سخت چیکنگ کے دوران پاکستان کوسٹ گارڈز اور گوادر پولیس نے مشترکہ کارروائی کرتے ہوئے گوادر کے علاقے سٹی ہوڑہ میں بیش قیمت منشیات بیرونِ ملک اسمگل کرنے کی کوشش کو ناکام بنا دیا۔
ترجمان کے مطابق پاکستان کوسٹ گارڈز اور گوادر پولیس نے گوادر کے مختلف علاقوں میں جوائنٹ ٹیمیں تشکیل دیں اور آپریشن کے دوران متعلقہ علاقے سے سمندر کے کنارے لوڈنگ کے دوران 1100 کلو گرام اعلیٰ کوالٹی کی چرس، 1 ہائی لیکس سنگل کیبن، 1 اسپیڈ بوٹ قبضے میں لی گئی ہے جبکہ 4 ملزمان کو گرفتار کر لیا گیا ہے۔
کوسٹ گارڈز ترجمان کا کہنا ہے کہ شبہ ہے کہ یہ منشیات سمندر کے راستے بیرونِ ملک اسمگل ہونا تھی جبکہ پکڑی جانے والی منشیات کی مالیت کروڑوں روپے کے لگ بھگ ہے ، تاہم ڈائریکٹر جنرل پاکستان کوسٹ گارڈز نے جوانوں کی اس انتھک محنت اور اعلیٰ کارکردگی کو سراہا ہے۔
 along with the concerned agencies arrested four drug smugglers during operations in coastal areas and recovered large quantities of drugs.){kind=link}