دورہ جنوبی افریقہ سے  قبل ہی پاکستانی ویمنز ٹیم مشکلات سے دوچار

241

دورہ جنوبی افریقہ سے پہلے ہی پاکستانی ویمن کرکٹ ٹیم کی بلے باز جویریہ خان کورونا وائرس کی عالمی وبا سے متاثر ہوگئیں۔

میڈیا رپورٹس کے مطابق جویریہ خان کے بلڈ ٹیسٹ سے کورونا وائرس کی تشخیص ہوئی، جس کے بعد انہوں نے خود کو قرنطینہ کرلیا ہے، ڈاکٹروں نے بھی مکمل آرام کا مشورہ دیا ہے، دوبارہ ٹیم کو جوائن کرنے کے لیے ضروری ہے کہ جویریہ خان کی کورونا رپورٹ منفی آئے۔

پاکستانی ویمن کرکٹ ٹیم  کی سدرہ امین انگلینڈ میں لاک ڈاؤن کی وجہ سے پھنس گئیں ہیں، جس کے بعد جنوبی افریقہ جانے کے لیے اُن کی روانگی بھی مشکوک ہوگئی ہے، انگلینڈ نے کورونا وائرس کی نئی لہر کے سبب فضائی آپریشن معطل کر رکھا ہے۔

واضح رہے کہ پاکستانی ویمن کرکٹ ٹیم 10جنوری کو جنوبی افریقہ روانہ ہوگی۔