آذربائیجان سے جاری جنگ میں اآرمینیائی وزیراعظم کی اہلیہ نے میدان جنگ میں قدم رکھنے کا اعلان کردیا۔
آرمینیا اور آذربائیجان سے جاری جنگ میں آرمینیائی وزیراعظم کی اہلیہ نے میدانِ جنگ میں جانے کیلئے فوجی تربیت حاصل کرنا شروع کردی،ناگورنو کاراباغ کے تنازع پر شدید جنگ جاری ہے اور آذری فوج نے کئی علاقوں کو آزاد کرلیا ہے۔
آذری فوج کو اس وقت آرمینیا پر برتری حاصل ہے جبکہ دو بار جنگ بندی کی کوشش بھی ناکام ہوچکی ہے۔
اس صورتحال کے بعد آرمینیا کے وزیر اعظم نکول پاشنیان کی اہلیہ آناہکوبیان نےبھی فوجی تربیت لینا شروع کردی ہے۔
آرمینیائی وزیراعظم کی اہلیہ نے فیس بک پر تصویر پوسٹ کی ہے جس میں وہ فوجی لباس میں ہیں اور تربیت حاصل کررہی ہیں۔
آرمینیائی وزیر اعظم کی اہلیہ کا کہنا ہےکہ ان کے ہمراہ 13 خواتین نے جنگی تربیت اور مشق کرنا شروع کردی ہےاورہم جلدہی ملکی سرحدوں کی حفاظت کیلئے بارڈر پر جائیں گے۔
واضح رہے کہ عالمی سطح پر ناگورنو کارا باغ آذربائیجان کا تسلیم شدہ علاقہ ہے تاہم اس پر آرمینیا کے قبائلی گروہ نے فوج کے ذریعے قبضہ کررکھا ہے جبکہ اسی قبضے کے باعث پاکستان آرمینیا کو تسلیم نہ کرنے والا واحد ملک ہے۔
