واشنگٹن:اسرائیلی وزیر اعظم بنجمن نیتن یاہو نے کہا ہے کہ اگر صدر ٹرمپ دوبارہ منتخب ہو گئے تو فلسطین مذاکرات کی میز پر واپس آ جائے گا۔
امریکہ میں ایک اجلاس کے دوران نتین یاہو نے کہا کہ متحدہ عرب امارات اور بحرین کا اسرائیل کو تسلیم کرنے کے بعد اب فلسطینیوں کے پاس اسرائیل کے ساتھ مذاکرات دوبارہ شروع کرنے کے سوا کوئی دوسرا راستہ نہیں بچا۔
نتین یاہو نے کہا کہ اسرائیل صدر ٹرمپ کے دوبارہ منتخب ہونے کا انتظار کر رہا ہے جس کے بعد فسلطین کے ساتھ صدی کے سب سے بڑے امن معاہدے کے تحت بات چیت شروع ہو گی۔
انہوں نے کہا کہ چار عرب ممالک کے ساتھ معاہدے کے بعد اب اسرائیل مشرق وسطیٰ میں تنہا نہیں رہا، اسرائیل کے دوستوں کی تعداد تیزی سے بڑھ رہی ہے۔
