اسلام آباد: وزیراعظم عمران خان کا کہنا ہے کہ کل لاکھوں بچوں کو خوش آمدید کہیں گے.
وزیراعظم عمران خان نے سماجی رابطے کی ویب سائٹ ٹوئٹر پر اپنے پیغام میں کہا کہ کل اسکول واپسی پر ہم لاکھوں بچوں کو خوش آمدید کہیں گے۔
انہوں نے کہا کہ اس بات کو یقینی بنانا ہے کہ ہر بچہ حصولِ علم کے لیے بحفاظت اسکول جاسکے یہ ہماری ترجیح اور اجتماعی ذمہ داری ہے۔
کل سکول واپسی پر ہم لاکھوں بچوں کو خوش آمدید کہیں گے۔ یہ یقینی بنانا کہ ہر بچہ حصولِ علم کیلئےبحفاظت سکول جاسکے، ہماری ترجیح اور اجتماعی ذمہ داری ہے۔ ہم نےسکولوں میں تدریسی سرگرمیوں کو #COVID19 کے حوالےسےصحتِ عامہ کے قواعد سےہم آہنگ بنانے کا بطورِ خاص اہتمام کیا ہے۔#SafeAtSchool
— Imran Khan (@ImranKhanPTI) September 14, 2020
وزیر اعظم عمران خان کا مزید کہنا تھا کہ ہم نے اسکولوں میں تدریسی سرگرمیوں کو کورونا وائرس کے حوالے سے صحتِ عامہ کے قواعد سے ہم آہنگ بنانے کا بطورِ خاص اہتمام کیا ہے۔
واضح رہے کہ وفاقی حکومت نے 7 ستمبر کو ملک بھر میں کورونا وائرس کے باعث بند کیے گئے تعلیمی اداروں کو 15 ستمبر سے کھولنے کا حتمی اعلان کیا تھا، جس کے مطابق میٹرک، انٹر اور جامعات کی کلاسوں کا آغاز 15 ستمبر سے ہوگا جبکہ چھٹی سے آٹھویں کے طلباء کو 23 ستمبر اور 30 ستمبر کو حالات کا جائزہ لینے کے بعد پرائمری اسکول کھولےجائیں گے۔