کراچی میں ایک اور دستی بم حملہ، دکان مالک جاں بحق

259

کراچی کے علاقے سچل میں دہشتگردوں نے ایک دکان پر دستی بم حملہ کیا جس کے نتیجے میں  دکان کا مالک جاں بحق ہوگیا۔

سینیئر سپرنٹنڈنٹ آف پولیس ( ایس ایس پی) ضلع شرقی ساجد سدوزئی کے مطابق سچل تھانہ کی حدود نورانی گوٹھ میں موٹر سائیکل حملہ آورں نے ایک بیکری پر دستی بم پھینکا اور فرار ہوگئے،  دستی بم پھٹنےکے نتیجے میں بیکری کا مالک جاں بحق ہوگیا۔

پولیس کے مطابق دستی بم حملے میں جاں بحق ہونے والا بیکری کا مالک رینجرزکا ریٹائرڈ ملازم تھا، جس کی شخص کی شناخت واشق کے نام سے ہوئی ہے۔

خیال رہے کہ جون کے مہینے میں بھی کراچی، لاڑکانہ اور گھوٹکی میں مختلف اوقات میں رینجرز پر حملے کیے گئے تھے جن میں روسی ساختہ دستی بم استعمال ہوئے تھے۔