کرونا وائرس وبا کے باعث مصری فٹبالر مہروز محمود نے مالی حالات سے تنگ آکر مٹھائی کا ٹھیلہ لگا لیا۔
غیر ملکی نیوز ایجنسی کے مطابق معروف مصری فٹبالر نے گھریلو معاشی حالات سے تنگ آکر اپنے بچوں اور بیوی کی ضروریات پوری کرنے کیلئے مٹھائی کا ٹھیلہ لگا لیا ہے۔
مہروز محمود کا تعلق مصر کے بنی سیف کلب سے ہے جو کہ مصر کا دوسرا بڑا فٹبال کلب ہے۔ مہروز کو کلب سے 2 ڈالر ماہانہ ملتے تھے تاہم کوروناوائرس وبا نے جہاں ملکوں کی معیشت کو شدید نقصان پہنچایا ہے وہیں بن سیف کلب بھی بحران کا شکار ہے جسکے باعث کلب نے فٹبالرز کو پیسے دینا بند کردئیے ہیں۔
کلب سے ماہانہ پیسے نہ ملنے پر فٹبالر نے قریبی مارکیٹ میں مٹھائی کی ٹھیلہ لگایا ہے جس سے وہ اپنے اہلخانہ کی ضروریات پوری کرہے ہیں۔
واضح رہے کہ مصر میں کوروناوائرس کے مریضوں کی تعداد 13,484 سے زائد ہوچکی ہے جبکہ اموات کی تعداد 659 سے تجاوز کرچکی ہے۔