افغان اسمبلی سے منظوری کے بعد وزارتِ امن کا پہلا اجلاس دارالحکومت کابل میں منعقد ہوا
نائب وزیرِ امن غلام یحیٰ عباس نے اجلاس سے خطاب کرتے ہوئے کہا کہ وزارت امن مذاکرات کو منّظم انداز میں چلائے گی اور اس حوالے سے اداروں کے درمیان مشاورت کا پلیٹ فورم تشکیل دینے کے لیے کام کرے گی۔
انہوں نے مزید کہا ہے کہ طالبان کے ساتھ مذاکرات کے آغاز کے لیے ہم سنجیدہ سطح کے اقدامات کریں گے اس سلسلے میں اعلیٰ امن شوریٰ بھی طالبان کے ساتھ مذاکرات میں ہماری مدد کرے گی جب کہ ہم امن کے موضوع پر شوریٰ کے تجربات سے استفادہ کریں گے۔
خیال رہے کہ اس سے قبل 2010 میں افغانستان کے سابق صدر حامد کرزئی کی جانب سے ملک میں اعلیٰ امن شوری قائم کی گئی تھی۔
