پانچ ہزار افراد نے ٹیکس ایمنسٹی کیلیے درخواستیں دیں، ایف بی آر

68

اسلام آباد(آن لائن ) ایف بی آر کے مطابق ٹیکس ایمنسٹی اسکیم کے لیے 5 ہزار افراد نے اپلائی کردیا۔ایف بی آر کا کہناہے کہ ایمنسٹی اسکیم کے لیے درخواست دینے والوں کی تعداد میں اضافہ ہورہا ہے۔ایف بی آر کاکہنا ہے کہ 40 ہزار روپے مالیت کے پرائز بانڈز لازمی رجسٹر کرانے کا فیصلہ کیا گیا ہے اور اس سلسلے میں اسٹیٹ بینک ایک 2 دن میں سرکلر جاری کرے گا، بانڈ رجسٹر ڈہونے سے ایمنسٹی حاصل کرنے والوں کی تعداد میں اضافہ ہوگا۔ایف بی آر کے مطابق مہنگی کاریں خریدنے اور فضائی سفر کرنے والوں کا ڈیٹا حاصل کرلیا گیا ہے، بینک بھی 15 جون تک تمام ڈیٹا ایف بی آر کو فراہم کردیں گے جب کہ ہرشخص نادرا کے پاس موجود اپنا معاشی ڈیٹا 500 روپے دے کرحاصل کر سکتا ہے، ایف بی آر کے پاس40 لاکھ افراد کا ڈیٹا موجود ہے۔