کراچی:شہرقائد کے علاقے گلشن اقبال میں این ای ڈی یونیورسٹی کے طالبعلم کو ڈکیتی کے دوران مزاحمت پر قتل کرنے والے دو ملزمان میں سے ایک کو پولیس نے واردات کے 11 گھنٹوں کے اندر ہی گرفتار کرلیا۔
پولیس ذرائع کے مطابق اس سلسلے میں ایڈیشنل آئی جی کراچی جاوید عالم اوڈھو نے پانچ رکنی کمیٹی بنائی تھی جس نے رات بھر کارروائیاں کرتے ہوئے تکنیکی بنیادوں پر ایک ملزم نظام کو جمعہ کی علی الصبح 3 بجے گرفتار کرلیاجبکہ دیگرملزم کی گرفتار ی کے لیے چھاپے مارے جا رہے ہیں۔
مزید پڑھیں: مزاحمت پر این ای ڈی یونیورسٹی کا طالبعلم جاں بحق
این ای ڈی یونیورسٹی کے 21 سالہ طالبعلم بلال ناصر جمعرات کی شام یونیورسٹی روڈ پر این ای ڈی یونیورسٹی کے باہر ڈکیتی کے دوران مزاحمت کرنے پر فائرنگ کر کے قتل کردیا گیا تھا۔
مقتول فیڈل بی ایریا کا رہائشی اور این ای ڈی یونیورسٹی کے شعبہ پیٹرولیم میں تھرڈ ایئر کا طالب علم تھا۔ عینی شاہدین کے مطابق واردات میں ملوث ایک ملزم نے افغانستان کا جھنڈا لگیں گے پہن رکھی تھی۔
