امید ہے انگلش ٹیم صحتیاب ہو جائے گی اور ٹیسٹ سریز جیتنا خواہش ہے ، بابر اعظم

265

قومی کرکٹ ٹیم کے کپتان بابر اعظم کا کہنا ہے کہ امید ہے پیٹ کے انفیکشن سے متاثرہ انگلینڈ کے کھلاڑی جلد صحتیاب ہوں گے اور خواہش ہے کہ انگلینڈ کے خلاف سیریز میں تین میں سے دو ٹیسٹ جیت کر ٹیسٹ چیمپیئن شپ کھیلنے کی امیدوں کو برقرار رکھ سکیں۔

راولپنڈی میں پری میچ کانفرنس میں میڈیا سے گفتگو کرتے ہوئے قومی ٹیم کے کپتان بابراعظم نے کہا کہ انگلینڈ کے خلاف کل سے ہماری ٹیسٹ سیریز شروع ہیں جس کی تیاری کے لیے ہمیں ایک ہفتہ ملا مگر بحیثیت ٹیم ہم پرعزم ہیں اور انگلینڈ کے خلاف ٹیسٹ میچ سے قبل تمام کھلاڑیوں نے تیاری کرلی ہے، سینیر کھلاڑی محمد یوسف سے کافی تجربے کار ہیں ان سے بھرپور رہنمائی مل رہی ہے۔

بابراعظم نے کہا کہ ٹیسٹ اسکواڈ فائنل ہو چکا ہے لیکن شام یا کل تک کمبیشن سامنے آجائے گا، راولپنڈی کی کنڈیشنز دونوں ٹیموں کو سپورٹ کرتی ہیں، انگلینڈ کے خلاف پہلے فاسٹ بولرز پھر اسپنرز کو سامنے لائیں گے۔ کوشش ہوگی انگلش ٹیم کے خلاف پہلے میچ میں کامیابی سمیٹ کر سیریز میں فاتحانہ آغاز کریں۔

انگلینڈ ٹیم کے کچھ کھلاڑیوں کو پیٹ کے انفیکشن پر بات کرتے ہوئے بابر اعظم نے کہا کہ ہمیں یہ خبر ملی ہے مگر امید ہے کہ وہ جلد ہی ریکور ہوں گے اور ہم چاہیں گے ان کی پوری ٹیم کھیلے۔