لاہور: پاکستان کرکٹ بورڈ (پی سی بی) نے آئندہ 4 سالوں کیلئے قومی ٹیم کے فیوچر ٹور پروگرام کا اعلان کردیا ہے۔
تفصیلات کے مطابق اگلے 4 سال کے لیے پاکستان کرکٹ ٹیم کے فیوچر ٹورز پروگرام کا اعلان کردیا گیا۔ آئی سی سی فل بورڈز کے 12 میں سے 10 ارکان ممالک کی ٹیمز پاکستان کا دورہ کریں گی۔
کرکٹ بورڈ کے جاری کردہ اعلامیے کے مطابق سال 2023 سے 2027 کے دوران آئی سی سی فل بورڈز کے 12 میں سے 10 ارکان کی ٹیمیں پاکستان کا دورہ کریں گی۔
🚨 Key points from Pakistan Men's Future Tours Programme (FTP) 2023-2027 🚨 pic.twitter.com/nSl57p0WRa
— Pakistan Cricket (@TheRealPCB) August 17, 2022
جو ٹیمز پاکستان کا دورہ کریں گی ان میں انگلینڈ، نیوزی لینڈ، جنوبی افریقہ، سری لنکا، بنگلہ دیش اور ویسٹ انڈیز شامل ہیں جو ٹیسٹ سیریز کھیلنے پاکستان آئیں گیں ،افغانستان، آسٹریلیا، آئر لینڈ اور زمبابوے کی ٹیمز محدود طرز کی کرکٹ کھیلنے کے لیے پاکستان کا دورہ کریں گی۔
📢 Pakistan to host 10 Test playing nations for bilateral red and white-ball cricket between 2023 and 2027 📢
A breakdown of Pakistan Men's fixtures in ICC's latest Future Tours Programme 🏏
More details: https://t.co/bDfJty5AcR pic.twitter.com/GjxPeFfVX2
— Pakistan Cricket (@TheRealPCB) August 17, 2022
پاکستان کرکٹ ٹیم 2 سہ ملکی کرکٹ سیریز بھی کھیلے گی۔
پاکستان، نیوزی لینڈ اور جنوبی افریقہ پر مشتمل پہلی سیریز فروری 2024 میں کھیلی جائے گی جبکہ دوسری سیریز میں انگلینڈ اور سری لنکا کی ٹیمیں پاکستان کے مدمقابل آئیں گی۔