رمضان المبارک میں بینکوں کے اوقاتِ کارجاری 

کراچی: اسٹیٹ بینک آف پاکستان نے رمضان المبارک میں بینکوں کے عوامی لین دین کے اوقاتِ کار جاری کر دئیے۔

جاری کیے گئے اعلامیے میں اسٹیٹ بینک نے بتایا ہے کہ رمضان المبارک میں پیر سے جمعرات تک بینکوں کے عوامی لین دین کے اوقاتِ کار صبح 10بجے سے ڈیڑھ بجے تک ہوں گے۔

مرکزی بینک کا اپنے اعلامیے میں مزید کہنا ہے کہ جمعہ کو بینک عوامی لین دین صبح 10بجے سے 1بجے تک کریں گے۔ اسٹیٹ بینک آف پاکستان کا اعلامیے میں یہ بھی کہنا ہے کہ رمضان المبارک میں بینکوں کے دفتری اوقاتِ کار پیر تا جمعرات صبح 10بجے سے 4بجے تک ہوں گے۔