کوئٹہ: بلوچستان کے علاقے سوئی میں بارودی مواد کے دھماکے میں سینیٹر سرفراز بگٹی کے کزن سمیت 3 افراد جاں بحق ہوگئے۔
سرفراز بگٹی نے ٹوئٹر پر بتایا کہ سوئی میں ایک حملے میں 4 افراد شہید جبکہ 8 زخمی ہوگئے۔ انہوں نے کہا کہ اس حملے کے پیچھے بلوچ ریپبلیکن آرمی کا ہاتھ ہے۔
سرفراز بگٹی نے کہا کہ جاننا چاہتے ہیں کہ ریاست کب تک معصوم لوگوں پر ایسے حملوں کو برداشت کرتی رہے گی۔
Four people were martyred while eight others were injured in an attack in Mat area of Sui, #Balochistan. Baloch Republican Army terrorists were behind this attack. would like to know for how long the state will continue to tolerate such attacks on innocent people.
— Sarfraz Bugti (@PakSarfrazbugti) January 28, 2022
ادھر وزیراعلیٰ بلوچستان میر عبدالقدوس بزنجو نے بم دھماکے کی مذمت کرتے ہوئے امن فورس کے رضا کاروں کی شہادت پر دلی رنج و غم کا اظہار کیا۔
میر عبدالقدوس بزنجو نے کہا کہ دہشت گردوں کو کیفر کردار تک پہنچانے میں کوئی کسر نہیں چھوڑیں گے، امن کے دشمنوں نے ایک مرتبہ پھر دہشت گردی کی بزدلانہ کارروائی کی ہے۔