جرمن چانسلر میرکل اور تمام سولہ صوبوں کے وزرائے اعلی نے کورونا وائرس کی وبا کی چوتھی لہر سے نمٹنے کے لیے نئے اقدامات پر اتفاق کر لیا ہے۔
میڈیارپورٹس کے مطابق بتایا گیا ہے کہ ویکسین لگوانے کی حوصلہ افزائی کرتے ہوئے ویکسین سینٹرز کی تعداد بڑھا دی جائے گی۔ نئے ضابطوں کے مطابق ثقافتی، اسپورٹس اور دیگر تفریحی مقامات میں داخلے کے لیے مکمل ویکسینیشن کا سرٹیفیکیٹ یا کووڈ انیس سے صحت یابی کا ثبوت فراہم کرنا لازمی ہو گا۔ یہ نئے اقدامات ایسے وقت پر کیے گئے ہیں، جب جرمنی میں کورونا وائرس انفیکشنز میں ایک مرتبہ پھر اضافہ دیکھا جا رہا ہے۔
