سابق صدر آصف علی زرداری کی ہمشیرہ فریال تالپور نے نااہلی کیس میں الیکشن کمیشن کو جواب جمع کر وا دیا۔
تفصیلات کے مطابق فریال تالپور کیخلاف نااہلی کیس کی الیکشن کمیشن میں سماعت ہوئی تو فریال تالپور کے وکیل نے الیکشن کمیشن میں جواب جمع کرا دیا۔
جواب میں کہا گیا ہے کہ درخواست گزار نہ صرف حقائق بلکہ قانون سے بھی آگاہ نہیں الیکشن کمیشن کیس کی سماعت کا مناسب فورم نہیں۔
جواب کے مطابق کیس کی سماعت کا واحد فورم الیکشن ٹربیونل ہے سراج درانی فریال تالپور کی درخواست پہلے ہی مسترد کر چکے ہیں۔
جواب جمع کروائے جانے کے بعد الیکشن کمیشن نے کیس کی سماعت 14 دسمبر تک ملتوی کردی۔