انگلینڈ کے ولا پارک فُٹ بال اسٹیڈیم میں فٹبالر ڈیلن رچ ایف اے یوتھ کپ میچ کھیلنے کے دوران دل کا دورہ پڑنے سے موقع پر ہی ہلاک ہوگئے۔ ویسٹ برجفورڈ کولٹس نے ڈیلن رچ کے انتقال کی تصدیق کی ہے۔
برطانوی میڈیا کے مطابق نوجوان فٹ بالر کی موت ویسٹ برج فورڈ اور بوسٹن کے درمیان میچ کھیلنے کے دوران ہوئی جس میں وہ دل کا درہ پڑنے سے زمین پر گرے اور موقع پر ہی انتقال کرگئے۔
ایمرجنسی سروسز کو جائے وقوعہ پر بلایا گیا اور میچ روک دیا۔ کھلاڑی کی دھڑکن کو ڈیفبریلیٹر کے جھٹکوں کے ذریعے دوبارہ بحال کرنے کی کوشش کی لیکن ڈیلن جانبر نہ ہوسکے۔
بعد ازاں انہیں ایمبولینس کے ذریعے نوٹنگھم کے کوئینز میڈیکل سینٹر پہنچایا گیا۔ ایک بیان میں ویسٹ برجفورڈ کولٹس نے کہا: ‘شام کے واقعے کے بعد بڑے دکھ کے ساتھ ہمیں ڈیلن رچ کے المناک انتقال کا اعلان کرنا پڑ رہا ہے۔
