کابل حامد کرزئی انٹرنیشنل ایئرپورٹ پر ملک سے فرار ہونے کے خواہشمند افغانیوں میں امریکی فوجی خنزیری گوشت پر مشتمل کھانے کے پیکیٹ تقسیم کرنے لگے۔
ترک نیوز ایجنسی ڈیلی صباح کے مطابق ایک افغان خاتون جو اپنی بیٹی اور شوہر کے ساتھ ائیرپورٹ پر پھنسی ہوئی ہے نے اپنے انسٹاگرام اکاؤنٹ پر حرام گوشت سے بنے کھانے کے پیکیٹ کی تصویر بھی شیئر کی۔
پوسٹ میں خاتون نے کہا، ” ہمارا مذہب خنزیر کا گوشت کھانے کی ممانعت کرتا ہے اور یہاں 95 فیصد افغانی انگریزی پڑھنا یا بولنا نہیں جانتے۔”
خاتون نے اس پیکٹ کی تصویر شیئر کی جس پر لکھا تھا “pork sausage patty, maple flavour۔”
خاتون کا مزید کہنا تھا کہ فوجی ان پیکٹ کو ہمارے حوالے نہیں کر رہے ، وہ یہ پیکٹ دور سے ہماری طرف پھینک رہے ہیں۔”