کراچی (اسٹاف رپورٹر)جمعیت علما اسلام کا کراچی شہر کے تمام کنٹونمنٹ بورڈز میں ہونے والے بلدیاتی انتخابات میں بھرپور حصہ لینے کا فیصلہ ، مقامی ذمے داران سے امیدواروں کی فہرستیں طلب کرلی گئیں ، امیدواروں کے نام فائنل کرکے جلد اعلان کریں گے، ان خیالات کا اظہار جمعیت سیکرٹریٹ کراچی میں جے یوآئی سندھ کی عاملہ ، ضلعی امرا و نظما اور بزنس فورم معاونین کے مشترکہ اجلاس سے صوبائی ذمے داران نے خطاب کرتے ہوئے کیا۔ اجلاس صوبائی نائب امیر مولانا عبد الکریم عابد کی صدارت میں ہوا ۔ اجلاس میں مرکزی ترجمان محمد اسلم غوری، مولانا محمد غیاث، مولانا امین اللہ ، ڈاکٹر نصیرالدین سواتی ودیگر شریک ہوئے۔