پیمپر تبدیلی سے پہلے بچوں کی اجازت، والدین نے ادارے کو آڑے ہاتھوں لے لیا

ویب ڈیسک -
343

ایک آسٹریلیائی نرسری نے والدین کو تجویز دی ہے کہ وہ اپنے بچے کے پیمپر کو تبدیل کرنے سے پہلے ان کی رضامندی لے لیں۔

یہ بات ‘آل اباؤٹ چلڈرن’ نامی نرسری نے کی ہے۔ ادارے نے اپنے بلاگ پوسٹ میں کہا کہ والدین کو چاہئے کہ وہ کم عمری ہی سے بچوں کو سکھائیں کہ کسی بھی کام سے پہلے دوسرے کی اجازت لینی چاہیے۔

ادارے نے وضاحت کرتے ہوئے کہا کہ چھوٹا بچہ کھیلتے وقت ڈسٹرب ہونا پسند نہیں کرتا لہٰذا ایسے مواقع پر والدین انتظار کریں۔

پوسٹ میں مزید کہا گیا کہ پیمپر کی تبدیلی نئی باتیں سیکھنے اور والدین بچوں کے تعلقات کا ایک اہم موقع ثابت ہوسکتا ہے۔

ادارے کے اس بات سے فیس بک پر اکثریت نے اتفاق نہیں کیا۔ ایک والدہ نے کہا کہ جب کوئی بچہ رو رہا ہے ، چیخ رہا ہے اور پیمپر سے بدبو بھی آرہی ہے تو یہ اُن کی رضامندی کیلئے کافی ہے۔

ایک شخص نے نرسری کا مزاق اڑاتے ہوئے لکھا، “کیا دنیا پوری طرح سے پاگل ہوگئی ہے”۔

ایک اور صارف کا کہنا تھا، “اب سمجھ آئی، بچے کا منہ دھلانے سے پہلے بھی اُس سے پوچھنا پڑے گا کہ میں آپ کا منہ دھلادوں؟”

مزید خبریں