وسطی اسرائیل کےشہر رملے میں موجود تومر میزائل فیکٹری میں زوردار دھماکا ہوا ہے جس کی آواز دور دور تک سنی گئی۔
اسرائیلی اخبار ہاریٹز کے مطابق ایک تجربے کے دوران حساس میزائل فیکٹری میں زوردار دھماکا ہوا۔
ابھی تک کسی جانی نقصان کی اطلاع موصول نہیں ہوئی ہے۔ مقامی لوگوں نے بتایا کہ انہوں نے دھماکے کی آواز سنی اور دیکھا کہ جدید ہتھیاروں کی ٹومر فیکٹری جو راکٹ انجن تیار کرتی ہے اور اسرائیلی فوج کے لئے طرح طرح کے میزائل کی حامل ہے، سے دھوئیں کے بادل اٹھ رہے ہیں۔
فیکٹری کے عہدیداروں نے بتایا کہ یہ یہاں ایک آزمائشی کنٹرول پرفارم کیا جارہا تھا تاہم حالات غیر معمولی ہوگئے تھے۔