دبئی : وزیر خارجہ مخدوم شاہ محمود قریشی 3 روزہ سرکاری دورے پر متحدہ عرب امارات پہنچ گئے، دورے کے دوران شاہ محمود قریشی متحدہ عرب امارات کے وزیرِ خارجہ شیخ عبداللہ بن زاید النہیان سمیت اعلیٰ اماراتی قیادت سے بھی ملاقاتیں کریں گے۔
تفصیلات کے مطابق وزیر خارجہ شاہ محمود قریشی سرکاری دورے پر متحدہ عرب امارات پہنچے ہیں اور دبئی انٹرنیشنل ایئرپورٹ پر اماراتی وزارت خارجہ کے سینئر حکام ، یو اے ای میں تعینات پاکستانی سفیر افضال محمود اور دبئی میں تعینات قونصل جنرل احمد امجد علی نے وزیر خارجہ کا استقبال کیا۔
Good to be in the #UAE and to have met the Pakistan Business Council Dubai for a constructive session on #EconomicDiplomacy. The Pakistani community in the UAE continue to play a positive role across all echelons of business & work with great contributions to the devpt of 🇦🇪 & 🇵🇰 pic.twitter.com/z7r1eGFD8z
— Shah Mahmood Qureshi (@SMQureshiPTI) April 17, 2021
خیال رہے شاہ محمود قریشی دورے کے دوران متحدہ عرب امارات کے وزیرِ خارجہ شیخ عبداللہ بن زاید النہیان سمیت اعلیٰ اماراتی قیادت سے ملاقاتیں کریں گے اور ان ملاقاتوں میں دو طرفہ تعلقات ، کثیرالجہتی شعبہ جات میں دوطرفہ تعاون کے فروغ سمیت باہمی دلچسپی کے اہم علاقائی و عالمی امور زیر بحث آئیں گے۔
یاد رہے وزیر خارجہ متحدہ عرب امارات کے مقامی و بین الاقوامی میڈیا نمائندگان سے گفتگو کریں گے اور مختلف علاقائی و عالمی امور کے حوالے سے پاکستان کے نکتہ نظر کی وضاحت کریں گے۔
Good to be in the #UAE and to have met the Pakistan Business Council Dubai for a constructive session on #EconomicDiplomacy. The Pakistani community in the UAE continue to play a positive role across all echelons of business & work with great contributions to the devpt of 🇦🇪 & 🇵🇰 pic.twitter.com/z7r1eGFD8z
— Shah Mahmood Qureshi (@SMQureshiPTI) April 17, 2021
واضح رہے وزیر خارجہ کا یہ دورہ ،پاکستان اور متحدہ عرب امارات کے مابین اعلیٰ سطحی روابط کا تسلسل ہے اور توقع ہےکہ وزیر خارجہ کے اس دورے سے پاکستان اور متحدہ عرب امارات کے مابین دیرینہ برادرانہ تعلقات مزید مستحکم ہوں گے۔
