وفاقی وزیر سائنس اینڈ ٹیکنالوجی فواد چوہدری کا کہنا ہے کہ تحریک لبیک پاکستان جیسے شدت پسند گرو ہ اسلام کی شناخت بدلنا چاہتے ہیں۔
فواد چوہدری نے ٹوئٹ کرتے ہوئے لکھا کہ برصغیر میں اسلام درگاہوں،اولیائے کرام کی تبلیغ، بزرگان دین کی محبت، اخلاص اور انسانیت کے درس کی مضبوط بنیادوں پر استوار ہوا۔
فواد چوہدری نے کہا کہ ٹی ایل پی جیسے شدت پسند گروہ اسلام کی اس شناخت کو بدلنا چاہتے ہیں، تشدد اور انتہا پسندی کو ہوا دینا چاہتے ہیں۔
انہوں نے مزید کہا کہ ایسی کوششوں کو ناکام بنانا ہر مسلمان کا فرض ہے۔
برصغیر میں اسلام درگاہوں،اولیائے کرام کی تبلیغ بزرگان دین کی محبت، اخلاص اورانسانیت کے درس کی مضبوط بنیادوں پر استوار ہوا، لبیک جیسے شدت پسند گروہ اسلام کی اس شناخت کو بدلنا چاہتے ہیں اور تشدد اور انتہاپسندی کو ہوا دینا چاہتے ہیں ایسی کوششوں کو ناکام بناناہر مسلمان کا فرض ہے
— Ch Fawad Hussain (@fawadchaudhry) April 15, 2021
گزشتہ روز وزیر داخلہ شیخ رشید نے اعلان کیا تھا کہ تحریک لبیک پاکستان پر پابندی لگانے کا فیصلہ کیا گیا ہے۔ پابندی کی سمری وزیراعظم عمران خان کو آج ارسال کر دی گئی ہے۔ وزیراعظم کی منظوری کے بعد ٹی ایل پی پر پابندی لگا دی جائے گی۔