مصر میں ایک خاتون کو ڈاکٹر کے کپڑے پہن کر اسپتال سے ایک بچے کو اغوا کرنے پر گرفتار کرلیا گیا۔
غیر ملکی خبررساں ادارے کے مطابق یہ واقعہ اس وقت پیش آیا جب نامعلوم ملزم اسپتال میں داخل ہوئی۔ وہ وہاں ایک مریض کے پاس گئی ، اُس کے بچے کی جانچ کی اور پوچھا کہ کیا وہ (مریض) کمرے سے باہر جاسکتی ہے تاکہ وہ مزید ٹیسٹ اور مکمل دستاویزات مکمل کرسکے۔
جب مریض جس کی شناخت مونا کے نام سے ہوئی ہے ، واپس آئی تو اس نے دیکھا کہ اس کا تین ماہ کا بچہ غائب ہے۔
قاہرہ سیکیورٹی ڈائریکٹوریٹ کے ایک ذرائع کے مطابق اغوا کار نے اپنے سفر کو چھپانے کے لئے متعدد ٹیکسیاں لیں اور پھر محمد ناگوئب ٹرین اسٹیشن پر پبلک ٹرانسپورٹ لیا۔ وہ سی سی ٹی وی پر پکڑی گئی ، اس کو ٹریک کیا گیا ، گرفتار کیا گیا اور بچے کو اُس کی ماں کے پاس لوٹا دیا گیا۔
