وانا(مانیٹرنگ ڈیسک)شمالی وزیرستان میں فورسز کے آپریشن کے دوران کمانڈر سمیت2 دہشت گرد ہلاک جبکہ ایک جوان شہید ہوگیا۔ فورسز نے شمالی وزیرستان کے علاقے ملک خیل میں خفیہ اطلاع پر دہشت گردوں کے ٹھکانے پر آپریشن کیا جس کے دوران فائرنگ کا شدید تبادلہ ہوا جس میں کمانڈر رحمت عرف خالد سمیت2 دہشت گرد ہلاک جبکہ حولدار شہزاد رضا شہید ہوگئے۔ ترجمان پاک فوج کے مطابق دہشت گرد رحمت عرف خالد آئی ای ڈی بنانے کا ماہر تھا اور2009ء سے سیکورٹی فورسز کے خلاف دہشت گردی کی مختلف سرگرمیوں‘ بھتا خوری، اغوا برائے تاوان اور ٹارگٹ کلنگ میں ملوث تھا۔ آپریشن کے دوران سیکورٹی فورسز نے بھاری مقدار میں اسلحہ برآمد کرلیا ہے۔
