گاڑی حادثہ: شعیب ملک کا بیان آگیا

189

اسٹار قومی کرکٹر شعیب ملک کی کار کو حادثہ کے بعد ان کا بیان سامنے آگیا.

سماجی رابطے کی ویب سائٹ ٹوئٹر پر شعیب ملک نے اپنے ٹویٹ کے ذریعے سب کا شکریہ ادا کرتے ہوئے کہا کہ کار کو اچانک حادثہ پیش آیا ،اللہ بہت کریم اور رحم کرنیوالا ہے، یہ صرف اتفاق سے پیش آنے والاحادثہ تھا، سب کا شکریہ جنہوں نے میری خیریت دریافت کی.

یاد رہے کہ گزشتہ روز پاکستان سپرلیگ (پی ایس ایل) سیزن 6 کی ڈرافٹنگ کے اختمام پر شعیب ملک کی گاڑی کو نیشنل ہائی وے پرفارمنس سینٹر کے باہر پیش آیا جہاں شعیب ملک کی اسپورٹس کار ٹرک سے جاٹکرائی،حادثے کے نتیجے میں گاڑی کو فرنٹ سے نقصان پہنچا تاہم شعیب ملک حادثے میں محفوظ رہے.

عینی شاہدین کے مطابق شعیب ملک اکیلے اور تیز رفتاری سے گاڑی چلا رہے تھے تاہم شعیب ملک حادثہ میں محفوظ رہے اور وہ فیلڈنگ کوچ عبدالمجید کے ساتھ دوسری گاڑی میں روانہ ہوئے۔