یمن: شادی ہال میں دھماکہ، 5 خواتین جاں بحق

146

بحیرہ احمر کی بندرگاہ سے متصل شہر ہودیدہ میں نئے سال کے دن پر ہال میں ایک شادی کی تقریب کے موقع پر میزائل داغا گیا جس کے نتیجے میں 5 خواتین موقع پر ہی جاں بحق ہوگئیں۔

غیر ملکی نیوز ایجنسی اے ایف پی کے مطابق حوثی کے زیر قبضہ علاقے کے کنارے موجود شادی ہال جو کہ ہودیدہ کے ہوائی اڈے کے قریب واقع ہے، پر میزائل حملہ کیا گیا جس میں 5 خواتین جاں بحق ہوگئیں۔

حکومت اور حوثیوں نے دھماکے پر ایک دوسرے کو موردِ الزام ٹھہرایا ہے۔

واضح رہے کہ یہ واقعہ جنوبی شہر عدن کے ہوائی اڈے پر ہوئے دو روز قبل دھماکے کے بعد پیش آیا ہے جس میں کم از کم 26 افراد ہلاک ہوئے تھے۔ ریڈ کراس کے عملے کی دو بین الاقوامی کمیٹی کے ممبران بھی اس حملے میں ہلاک ہوئے تھے تاہم حوثیوں نے اس حملے سے اپنی لاتعلقی کا اعلان کیا ہے۔